| |
|
Wer si mir u
was machä mir eigäntläch?
|
|
|
Mir si ä kuhli Truppä, bestehänd us nün
Herrä. Üsä Verein isch zur Erhautig vor Fründ-schäft
unger HSW-Absolväntä gründät wordä
u das Läbä mir hüt o. Mir organisiere jähr-läch
ca. sächs Events, wo mir unger ämnä beschtimmtä
Motto/Themä ä Tag, Abä oder äs Weekend verbringä.
Das si insbesondere kulturelli, sportlächi, überraschendi,
naturnachi, abentürmässigi, gmüätlächi,
gnüsslächi aber vor auäm gseuigi Aaläss.
Sit einiger Zyt
organisierä mir o jährläch ä Party, wo
mirs unger ämnä beschtimmtä Motto lö la
krachä. Diä Events si natürläch für
aui Fründä u schüsch Guätgsinntä
u hei mitlärwilä scho Kult-Status erreicht.
|
|
|
| 1999
- Gründigsjahr |
|
Events |
Aus Geburtsschtung vom VMÖ chamä eigentläch d
Projektwuchä vor HSW in Meiringä 1999 bezeichnä.
Damaus si mehräri vo üs gmüätläch zämägsässä
u hei über Gott und die Welt filosofiert. Dür angeri,
ähnlächi Gebuide inspiriert, heimär dert dr Entschluss
gfasst, öpis ds schaffä, wo üs o nach dr HSW-Zyt
wird verbingä.
I dä fougändä
Monatä hetmäsäch dra gmacht, däm ganzä
Konstrukt Formä ds gä u mi het o nachämnä
passändä Gründigsdatum gsuächt.
Am 11.11.1999 am
Eufabeufi hei mir dr Verein Visionäri Münschter
Ökognome VMÖ ids Läbä grüäft.
Zersch heimär d Struktur im "autä" (u
denn no kuhlä) Leopard vorbesprochä, denn um die
obgnannti Zyt bim Münschter agschtossä u schliessläch,
widär im Leopard, das Ganzä no besiglät u o
begossä.
Aus erschtä
fabulöse Vorschtand het säch dr Jan (Präsident),
dr Marc (Sekretär) und dr Luki (Finanzchef) la wählä.
Ar Gründigsversammlig
hei dazumau acht Personä teilgno. Ä ufstockig vom
Verein isch eigäntläch o niä planät gsi.
Auerdings heimär i d Statutä ä usnahmäregelig
dri ta womä de spetär o het agwändät (siehe
2001).
|
|
Gründigsversammlig
|
| 2000
- D Aafäng |
|
Events |
D Aafäng si iz gmacht gsi, jitz hei o müässä
Tatä fougä. Di erschti HV het im März 2000 stattgfungä
u dert si di erschtä "richtigä" Events abgmacht
wordä. Aus "Winkelried" het säch dr Marc
hervorgetan u het fürä Summär ä Aare-Fahrt
organisiert u somit ds Eventing vom VMÖ iglütät.
Das isch ä wunderbäre Uftakt gsi, dä Alass het
uf jedä Fau zeigt, das das Ganzä ä guäti
Sach isch.
Spetär isch
de di grossi Wanderig in Grindelwald u schliässläch
dr Gourmet-Event im Eu-rasia dürägfüärt
wordä.
Weni Aläss,
drfür heimär di umso meh gnossä. Da mir änang
ja immer ir HSW gseh hei, heis diä Terminä o ta.
|
|
HV
Aarefahrt
Wanderung
G'wald
Gourmet Eurasia
|
| 2001
- Vom Troll zum Gnom |
|
Events |
Im Nu-Eis simär de so richtig dürägschtartät.
Grad sächs Events heimär organisiert. Unger angerem
simär im Tessin ga wandere, mir si fein ga dinierä
im Wein&Sein, mir si ga bowlä oder ga Go-Kart fahrä.
Bsungers ds erwähnä
giuts hiä natürläch di usserordentlächi
Ufnahm vom nöiä Mitglied i üsä edu Club.
Dr Christian het säch (wie statutar verlangt) offiziell
beworbä u het für sich d Wärbe-Trummlä
gschwungä. So isch är ids Ufnahmeprogramm cho u
het müässä ä Event organisiere. Das auäs
het är bravurös gmeischteret u so isch nümme
im Wäg gschtangä, ihn ar nächschtä HV
i Verein ds wählä. Si wäg vom Troll zum Gnom
isch damit scho fasch vouändät gsi.
I däm Jahr
heimär o ds erschtä mau ä Party organisiert.
Ungerem Motto "Mafia" heimär gladä u äs
isch würkläch ä mega guäti Fete wordä.
Ca. 100 Lüt hei i däm Chäuär Platz gha,
u aui si verchleidet cho. Das Ding het dermassä igschlagä,
dasmär beschlossä hei, vo iz a jedäs Jahr ä
Party ds organisierä.
|
|
HV
Bowling
Bandy-Troll-Event
Mafia-Party
Wanderung Lugano
Suprise Seeland
Gourmet Wein&Sein
Kultur-Jazz
|
| 2002
Jahr "Eis" nach HSW |
|
Events |
Ds Jahr 02 hett di erschti richtigä Herusforderig für
üsi Truppä dargschteut. Nach fasch vier Jahr, wo mir
üs praktisch tägläch gseh hei, isch dr Kontakt
plötzläch abgrissä, viu vo üs si nach "Züüri"
züglät u dr Verein isch dür das gschpautä
wordä. D Terminveriibarigä si schwirigär, glängentlächi
Träffs ungers de Mitglieder si zwungänärmassä
o säutänär wor-dä.
Drzuä isch
no cho, das äs paar Mitglieder si uf Reisä gsi us
so heimär o ersch im April chönnä d HV düräfüärä.
Di verschiedenä Events is endär durchzogä gsi.
Das ds Ski-Weekend in Züri stattgfungä het isch
doch äs relativ dütlächs Indiz drfür,
das im däm Jahr nümme auäs so ganz rund gloffä
isch.
O d Rock'n'Roll-Party
het nid so ganz chönnä überzügä.
Einersits isch d Arbeit ds fescht uf weni Schutärä
verteut gsi, angersits isch die ganzi Party nid ad Mafia-Fete
vom Vorjahr härä cho. Anstatt dr Chopf la das hangä,
heimär aber beschlossä im nächschtä Jahr
widär ä super Party ds organisierä.
Drfür heimär
im däm Jahr ä nöii Event-Kategorie igfüärt
wo sehr guät isch acho u o Zuä-kunft söu wiederhout
wärdä. Mir hei nämläch ä Alass mit
Begleitig organisiert, damit vo-rauäm üsi Fründinne
mau chli i das Gebiude inägseh.
|
|
HV
Kunst-Malen
Rock'n'Roll-Party
Chätzli-Event
Ski-Weekend ZH
VMÖ-X-Mas
|
| 2003
- Füährigswächsu |
|
Events |
Ar HV im Januar 03 ischäs zum erschtä grossä
strukturellä Wächsu im Verein cho. Dr Jan u dr Marc
si in corpore zruggträtä u hei dr Wäg für
nä nöii Vorstandskru wöuä frei machä.
Aus Kandidatä heisäch (äbäfaus in corprore)
dr Stef und Hadi (Präsi u Sekr.) sowie dr Christobal mitäm
Christian zur Wau gschteut.
Nach langäm
Waukampf hetsäch schliässläch ds erschtä
Duo dürägsetzt u het anschliessend grad mit dr Verwürklichung
vo irnä Waukampf-Versprächä agfangä.
O schüsch
het säch i däm Jahr einiges ta im VMÖ, d Events
hei widär a wichtig gwunnä. Züri isch i däm
Jahr mehrmaus aus Düräfüärigsstandort
gwäut wordä, was d Anecherig vo dä beidi Stedt,
resp. dä Iwohnär verdütlächät.
I däm Summer
heimär o ä Western-Howdown organisiert. Diä
mit riisigem Ufwand organisierti Fetä het vou igschlagä.
200 Gescht si absolut usäm Hüsli gsi, vor auäm
o ab dr Darbietig vorä Live-Band wo zwöi vo üs
mitgschpiut hei.
Im Dezember heimär
de, nach äs par witärä kuhlä Events, ä
zwöiti Party organisiert. 100 Gescht si ganz in wiis
erschinä, was super usgseh het. Üsi Biudär
heimär für über tuusig Frankä chönnä
verchoufä.
Bim letschtä
Event heimär o vo ussä d Bestätigung übercho,
das mir di Sach anschiinänd guät machä, da
säch wieder öpär gwagt het, säch für
üsä Verein ds bewärbä.
|
|
HV
Kultur-Theater
Luki's
White G Day
Wildwest-Howdown
Chätzli-Event
Going hole
Gourmet
RTTM-Whiteparty
|
| 2004
- ds Marc Jahr |
|
Events |
|
Ar HV 04 heimär dr Marc nach langer
Ferieabwäsäheit wider im VMÖ dörfä begrüässä u här het Fröidigs
ds verzeuä gha. Mir hei erfahrä, das scho gli dr erstch VMÖler
unger dr Hubä wird si. Uf das abä heimär grad ä Hürätsindex
erschteut, womä sini Wettä het chön-nä platziere, dä Index isch
aber natürläch streng vertrouläch...
Üsäs erschtä Weekend isch autbewährt in Saas Fee gsi. Mir hei
wieder dörfä bi Bumanns im schöne Chalet wohne u hei zwöi Täg
trunkä u gschiinät. När het natürläch dr Pouterabä vom Marc nid
dörfä fählä. Anstatt biuig numä suufä, hei mir üs natürläch vom
Globus ä Catering-Service la cho u dr Marc het sini Prüäfigä mit
Bravur beschtangä.
När häts eigentläch uf Basu anä Fashion-Event söuä. Was aber
niemer gwüsst het isch gsi, das mir vo Toggwilers aus Dankeschön
fürd Hochzyts-Hiuf nach Berlin igladä wordä si. So si mir auso
churzerhand für 2 Nächt u Täg i di Dütschi Houptstadt gflogä.
Leider isch du ei Event, dr eigentläch Fashion-Event ids Wasser
gfauä, wüu mr grad vier Abwäsäheitä hei ds vermeudä gha. Äs paar
Gnöm hei du aber mit dä Frouä ä inoffizielle Event organisiert.
Im Herbscht isch när wieder ä Party vo üs organisiert wordä.
Dismau zum Thema „Orien-tal“. D Lüt u dr DJ si d Wäng uf, v.a. o
wäg der heissä Buchtanz-Iilag. Aues i auem wieder ä
Hammer-Party.
Zum Abschluss hets de när no dr Marc-30er-Event gä. Äs isch auso
auäs i auäm ds Marc-Jahr gsi.
|
|
HV
Ski-Weekend
Marc
- Polterabend
VMÖ in Berlin
Gourmet light
Oriental-Party
Marc - 30 Event
|
| 2005 -
Vätu u no meh Überraschigä |
|
Events |
Ds Jahr 2005 isch prägt gsi vo viunä grossä Veränderigä und Überraschigä! Aber auäs dr Reihä na… Agfangä hets VMÖ-Jahr mitämnä Fashion-Event wo fasch aui Mitglieder hei chönnä ihres Model-Talent unger Bewis schteuä. Leider het üsäs Supermodel "El Bandito" aber nid chönnä teilnä, wüus im nid guät gangä isch denn.
När hets ä Pousä gä, wo zwe vo üs anschiinänd guät gnützt hei. Am Jan/Pierre-Geburi in Saas Fee hei üs di zwe nämläch mit Schtouz verchündät, das sie Vätlä wärdä. Mir hei mitäm Chrigu u Marc natürläch grad ganz fescht uf das agschtossä… D Frag isch numä gsi, wär zersch. Da het natürläch o dr Jan nid wöuä hinger astah u het bim Wander-Event in Abländschen verchündät, das är nächschtäns für drü Jahr nach Ouschtraliä wird verduftä.
Äs het o wieder Party gä, dasmau zum Thema "Hollywood". Leider mit chli weni Lüt (o VMÖler hei gfäut…), aber Schtimmig isch wieder mau bombastisch gsi. När ischäs Schlag uf Schlag gangä… Zersch heimär am Hadi dörfä ds 30gi ahänkä u o dä het scho chönnä News verchündä, nämläch das us sirä Misère ä nöi Hoffnig isch entstandä u är nach churzer Zyt scho wieder wäg isch vom Markt.
Churz drufäbä heimär am Gourment-Event chönnä Mattä-Englisch lehrä u de het doch o dr Luki no News gha, är geit nämläch nach New York für unbestimmti Zyt im 2006…
Am 5. Dezember het Diana am Chrigu ä Jaël gschänkt – härzägi 3.3 Kilöli, jöhhh. Üsä erscht Nachwuchs! Claudia u dr Marc hei chli lengär uf ihri süässi Tochter müässä wartä. Aber o d Elena het no im 2005, nämläch am 30. Dezember, ds Liecht vor Wäut mit stattlächä 52 cm erblickt.
Auäs i auäm auso äs höchscht interessants Jahr mit viunä Überraschigä u Veränderigä. Nach über sächs Jahr isch dr Verein aber sowit griift, dasmär auäs das chöi verchraftä… Zwar gö zwe vo üs wäg im 2006, drfür isch d VMÖ-Familie u zwöi süässi Girls gwachsä…
|
|
HV
Fashion-Event
Outdoor-Abländschen
Hollywood-Party
Hadi - 30Event
Gourmet-Event
|
| 2006 - ds verlassänä Jahr |
|
Events |
Das Jahr si wieder zwöi 30er-Events ufäm Programm gschtangä. Dr Afang het dr Vali gmacht. Mir hei ihn verwöhnt nach Strich u Fadä u hei zerschtä Mau ä Event in Bern und Züri dürägfüärt. D Verschiebig isch standesgemäss mitärä Strechlimo passiert.
Das Jahr isch o ke Chätzli-Event dürägfüärt wordä, drfür aber ä Family-Event, da dr Marc u dr Chrigu jetzt nümme zwöit, sondern ds dritt si.
Nachem Pierre sim 30er-Event, mir si ga flügä, isch de o scho dr Pouterabä vom Chrigu cho, wo ihn doch rächt brucht het. Vor auem di erschti Staffettä aus Agänt. Hiä heimär no einä druf gsetzt u mir si grad nach Dütschland u hei dert am Sunnti no dr WM-Finau uf Linwand gluägt. Das dr fautsch gwunnä het, wüssämär ja mittlärwilä...
Dr Outdoor-Event heimär gnützt um im Wallis mau chli i dä Wäudär ufdsruumä u mir hei bir Erbegmeinschaft Vallotton ghouzät. Välus Brüätsch, Päpu u Unglä hei üs dadrbi super ungerstützt.
U de heimär im Dezember o ändläch wieder mau aui im Boot gha, o di zwe Wäutäbummler Jan und Luki, wo schüsch i däm Jahr zwangsläufig mit Abwäsäheitä glänzt hei.
Ds Jahr 2006 wird aus chli truurigs i Gschicht igaa. Einersiits, wüu zwe Gnomä wäg si u mir so immer irä chlinärä Gruppä si u angerersits, wüu grad drei vo üs chli Päch ir Liäbi hei gha. Umso meh zeigt das, wie wichtig dä Verein für üs isch, so het mä Fründä wo immer für eim da si...
|
|
HV
Vali's 30er Event
Family Event
Pierre's 30er Event
Polterabend Chrischu
Outdoor Event
Gourment Event
|
|
2007 - Chlini Rundinä |
|
Events |
O ds Jahr 2007 het‘s wieder in sich gha.
Mir hei viu erläbt u tolli Events zämä gha. Leider si die Herrä
Bumann und Peyer immer no im Usland gsi u so hei üsi Events
ender im chli-närä Rahmä stattgfundä!
Was üs jedoch nid ghindärät het, witärhin super Sachä zämä ds
machä. O das Jahr si wieder zwöi 30-er-Events ufäm Programm
gstangä, dasmau hei säch dr Chrigu u dr Steffu dörfä la
überraschä.
Oh i Sachä Familiä het säch wieder öpis ta. Am 17. August het d
Eline Ott ds Liächt vor Wäut erblickt u witärä Nachwuchs isch
ankündigät wordä: Dr Vali u Diana hei säch gfröit (fröiä sich
immer no) üs dörfä ds verchündä dass sie Eutärä wärdä – d
VMÖ-Familie wachst! Zudem heimr das Jahr wieder dörfä astossä
ufnä bevorstehendi Hochzyt, dr Hadi u Barbara wärdäs wagä…
Dr Family-Event, wo o das Jahr wieder stattgfungä het, wird’s
äuä o i Zukunft gä. Näbä Family-Event u 30er heimr wieder äs
bunts Programm gha mitärä Wanderig ufds Stock-horn, ämnä Theater
im Schlachthuus u feinem Ässä im Belle Epoque.
Aus krönändä Abschluss het de dr Jan verchündät, dass är ändläch
wieder hei chunnt, ei verlornig Sohn isch auso ab 2008 wieder
da.
|
|
Chrigu-30-Event
Family-Event
Outdoor-Event
Kultur-Event
Steffu-30-Event
Gourmet-Event
|
|
2008 –Troll-Jahr |
|
Events |
|
Im 2008 hets wieder ä Troll gä im VMÖ wo dr Sprung het wöuä schaffä. D Frag
isch auso gsi: Blibämr 9 oder wärdämr Doppudezimau. Dr Päsä hets
gwagt!
Bim erschtä Event simr für einisch froh gsi simr nid i Voubsetzig gsi. Denn
wärämr no meh Lüt gsi in Leukerbad, hätmr no weniger Hüng gha
pro Person. Dr Pierre het ä super Idee gha mit Hundeschlittä und
Co. u mi cha ihm überhoupt ke Vorwurf machä. Numä leider isch d
Umsetzig vom Profi doch sehr fragwürdig gsi. No hüt heimr gwüssi
Nachwehä, dä Hündälär-Löu schteut dr erscht Debitor ir Gschicht
vom VMÖ u wird’s äuä o no chli blibä.
Im Früählig hets de ä witärä 30er-Event gä mit Operä u auäm wo drzuä ghört.
D Frag isch gsi, ob dr Intschä hät gseit dasäs ihm nid gfaut wes
nid hät, aber das isch ä angeri Gschicht.
Gli drufabä het dr Hadi a sim Poutertag müässä dra gloubä. Damit dasäs für
ihn nid zu piinläch wird heimr dä churzerhand nach Mallorca
verleit. Zmingscht einä het am 3 am Morgä nid schlächt gstuunt
gha womr hei wöuä losfahrä. Spetär het säch usägsteut das dr
Hadi hertär im Näh isch gsi aus mängä angerä. Aber o das isch ä
angeri Gschicht.
Spetär si de no di obligate Family u Gourmet-Events cho. Gspickt mitämnä
Stou-Event wo us wättärtechnischä Gründ kenä gsi isch Aber
aufgeschoben ist bekanntlich nicht aufgehoben.
Nid unerwähnt söu blibä, dass sich d VMÖ-Familiä wieder het vergrössärät. Dr
Phibä u d Diana hei im März mit Stouz d Geburt vor Lucie Manou
verchündät. Zudäm hei säch dr Hadi u d Barbara trout… Sie hei
ghüratä... Wie mir üs das vom Hadi gwöhnt si mitämnä Hochzyt
deluxe!
U o i Sachä verlorni Sühn het säch wieder öpis ta. O dr letscht „Usländär“
het akündigät, dass är ab 2009 wieder im VMÖ-Boot wird hockä. Dr
VMÖ freut sich dr Luki im 10. Jahr wieder willkommä ds heissä.
Wie dasäs (witär)gangä isch mit Päsä? Das erfahrsch de im Bricht zum 2009.
|
|
Outdoor mit MV
Bandy's 30er
Event
Hadi's Polterabend
Stau Event
Family Event
Gourmet Event
|
| |
|
|
|
2009 - Zäh! |
|
Events |
|
Hets dr Päscu gschafft isch die grossi Frag vom letschtä Jahr gsi. Ja, är het
u somit isch dr VMÖ im zähtä Jahr iz o ds zäht! Ä harzigi Sach
mit Happy-End am Schluss. VMÖ-like haut…
I däm Jahr isch d MV kombiniert wordä mitm 30er-Event vom Jändu.
Da är di letschtä Jahr nid umä isch gsi, hei mir dä 30er
müässä hingerä schiebä. Aufgeschoben aber ungleich
aufgehoben u übernäs Weekend in Wängä mit Skirennä u
Helikopterflug het säch ja no niä einä beschwärt (ussert
viläch dr Intschä).
Nach däm furiosä Start hei mir de üsi Reis apackt mitämnä
monströsä Reiseplanigs-Event. Ds Reglement für dä Event
alei isch scho vier Sitä läng gsi. Wie erhofft, hei sich
aui Gielä viu Müäh gä u so ischäs schwierig gsi mit dr
Entscheidig. Gwunnä het schlussändläch Marrakech,
vorgschlagä grad vo zwenä, vom Päscu u vom Chrischä.
Bevor mir dert härä si, hets aber no drü angeri Terminä gä.
Zersch simr inäs Privatchino, ändläch ä Kulturevent für
aui, när simr id Romandie zu Päscus Cousin ga Wy
degustierä. Nachäm obligatä Family-Event, mittlärwilä
scho mit füf Ching, isch de ds Highlight vom Jahr, um
nid ds sägä vom bishärigä VMÖ, cho.
Ei Wuchä Marrakech vom 7. bis 14. November um üsäs 10jährige
Jubiläum ds fiirä (mit Cake u Schämpis am 11.11. 11.11
pm). Ä unvergässlächi Reis für aui mit Poker, schrillä
Iidrück, Aukohou, Märtä u eifach chli si. Leider het dr
Päscu nid chönnä drbi si, dr Grund isch aber umso
erfreulächär: Ds sächstä VMÖ-Meitschi het wöuä d Wäut
eroberä, d Milla Jeanne isch am 17. Dezember ufd Wäut
cho. Ah bon!
Abgschlossä heimr ds Jahr mitäm äbäfaus obligatä Gourmet-Event.
Dr Hadi het mau chli Abwächslig wöuä ids Entrecote-Läbä
bringä u so hei mir das Jahr im Restaurant „Shosshaudä“
diniert. Bim gmüätlächä Pleetschä si zwöi Sachä
verschwigä wordä wüu no nid riif. Aber bis zum Ändi vom
Jahr hei när no zwe verchündät, dass sie wärdä i Hafä
vor Ehä ifahrä: Dr Jan, langsam u gmuätläch, u dr Präser
aus Usain Bolt des Heiratens!
|
|
Jan's 30er Event
/ MV
Reiseplanungs-Event
Kultur Event
VMÖ goes
Romandie
Family Event
Stau Event
VMÖ Reise
Gourmet Event
|
| |
|
|
|
|
