Nachämnä churzä Warm-Up ischäs du de oscho losgangä im Bowling-Center das Bärn. Mit Bier u Pizza heisäch einigi vo üs zu Höchschtleischtigä la bewegä. Dr "Big Lebowski" aus Vorbiud vor Ougä heisäch die zwöi Teams zu Höchschtleischtigä la bewegä.

Nach derä sportläch ansträngändä Tat heimär de öpis müässä fuätärä, auso simärä mit dä Chärä (zum Glück hei einigi no chönnä fahrä) id Autstadt gkesslet. No immer het dr Pierre ds grossä Gheimnis über üsäs Abendmahl wöuö für sich bhautä. Mir si du schliässläch i nä gmüätläch Chäuär ir Rathausgas wosäch ds Restaurant Kappa befindet. Das isch nid ä Ablegär vor Chleiderfirma, sondern äs gmüätlächs türkisches Restaurant womä äbä Döner "ohne viel scharf" o ufäm Täuär u mit richtigem Fleisch cha ässä.

Uf jedä Fau hei mir üs aui vor türkische Chochkunscht dörfä la überzüge u vo dr Gaschtfründschaft vom Inhaber. Zum Dessert heimer de no süüüüässi Blettärteiggebäch spändiert übercho. Bi derä Rächnig (für üs HSW-Stundentä) auerdings scho grächtfertigät.

Anschliessend heimär de no i Usgang wöuä, auerdings heimär änang de gli mau verlorä, da einigi vo üs ad Absolut Night hei wöuä (u o si inä cho) u angeri nid. Di chlini Unstimmigkeit het säch du nach äs paar agwermtä Wort gli widär gleit, üsi Wägä hei sich für dä Abä aber voräm "Dudu" trennt. Langsam aber sicher heisäch di erschtä ufä Heiwäg gmacht u so isch dä Sport-Event ds Änd gangä.

Stef